کانگو کے 66 فوجیوں کو بزدلی کے الزام میں سزائے موت

• جمہوریہ کانگو کی ایک فوجی عدالت نے میدانِ جنگ سے فرار ہونے اور فوجی احکامات کی خلاف ورزی کے الزامات میں 66 فوجیوں کو سزائے موت سنا دی ہے۔

بین الاقوامی میڈیا رپورٹس کے مطابق یہ مقدمہ ملک کے مشرقی صوبے شمالی کیوو کے علاقے والیکالے میں چلایا گیا، جہاں مجموعی طور پر 71 فوجیوں کو عدالت میں پیش کیا گیا تھا۔

استغاثہ کے مطابق فوجیوں پر الزام تھا کہ انہوں نے باغی جنگجوؤں کے ساتھ لڑائی کے دوران اپنی فوجی پوزیشنیں چھوڑ دیں اور میدانِ جنگ سے فرار ہوگئے۔

عدالت نے 66 فوجیوں کو سزائے موت سنائی، چار کو بری کردیا جبکہ ایک فوجی کو 10 سال قید کی سزا دی گئی۔

کانگو کے مشرقی علاقوں میں سرکاری افواج اور باغی گروہوں کے درمیان طویل عرصے سے جھڑپیں جاری ہیں۔ فوجی حکام کے مطابق اس کارروائی کا مقصد فوج میں نظم و ضبط برقرار رکھنا ہے۔

• اہم وضاحت: فوجیوں کو سزائے موت سنائی گئی ہے، ان کی سزا پر عمل درآمد کی تصدیق نہیں ہوئی۔

خبر کا ماخذ: کانگو کی سرکاری خبر رساں ایجنسی، BBC، DW اور Africanews۔